monumenta.ch > Hildegardis Abbatissa > sectio 63 > sectio > sectio 66 > sectio 49 > bnfGrec107.807 > Psalmi, 47 > sectio 9 > sectio 25 > csg75.52 > sectio 2 > csg48.237 > sectio 12 > sectio 89 > hlw17.271 > csg235.219 > sectio 6 > sectio 45 > sectio 26 > sectio 40 > sectio 126 > sectio 41 > sectio 40 > sectio 25 > sectio 26 > sectio 13 > bsbClm6224.226 > csg237.286 > sectio 68 > sectio 17 > sectio 4 > sectio 65 > sectio 49 > sectio > bnf5840.33 > sectio 41 > sectio 18 > sectio 8 > in Ezechielem > bnf7587.110 > bavPal.lat.823.117 > sectio 1 > sectio 5 > sectio 13 > sectio 2 > sectio 9 > uwbM.p.th.f.68.206 > sectio 16 > sectio 13 > sectio 4 > salCod.Sal.X,16.396 > sectio 16 > Hildebertus Cenomanensis, Sermones, p2, 71 > sectio 19 > sectio 37 > sectio 54 > Numeri, 11 > bmv343.169 > csg232.244 > sectio 17 > 40 > sectio 12 > sectio 58 > sectio 74 > sectio 20 > sectio 11 > sectio 2 > csg48.368 > 140 > sectio 12 > sectio 3 > csg236.206 > sectio 19 > Lucas, 10 > bnf13028.124 > sectio 17 > csg236.210 > sectio 10 > sectio 104 > bnf2183.96 > bnfGrec107.809 > habCod.Guelf.64Weiss..648 > sectio 13 > sectio 25 > sectio 128 > sectio 10 > csg75.722 > sectio 41 > bnf425.367 > sectio 3 > csg75.777 > sectio 7 > sectio 16 > sectio 46 > uwbM.p.th.f.69.99 > sectio 9 > sectio 35 > sectio 2 > sectio 27 > ad Corinthios I, 7 > sectio 31 > sectio 17 > sectio 60 > sectio 94 > bnf6796A.104 > sectio 34 > sectio 31 > sectio 45 > sectio 30 > sectio 55 > sectio 132 > sectio 9 > sectio 13 > sectio 39 > bnf10439.177 v > bnf7587.106 > sbbMs.Phill.1698.30 > sectio 127 > sectio 24 > csg51.149 > bnf10439.174 r > bnf6796A.109 > sectio 4 > bnf7589.268 > sectio 15 > sectio 20 > Samuelis I, 22 > sectio 24 > sectio 78 > bnfGrec107.409 > sectio 70 > zosPa32.258r > sectio 6 > sectio 30 > sectio 123 > csg48.365 > Daniel, 3 > sectio 7 > sectio 20 > sectio 10 > csg75.800 > Matthaeus, 7 > Ioannes, 11 > sectio 60 > sectio 23 > sectio 37 > habCod.Guelf.64Weiss..644 > bnf7589.264 > sectio 20 > sectio 18 > sectio 50 > bsbClm6224.202 > sectio 10

Word Selection for Searching

Report an Error in this Sectio
Augustinus, Sermones, 10, 153, 10
Quid est, mortuus sum? Praevaricator factus sum, Et inventum est mihi mandatum quod erat in vitam. Videte quia Lex laudatur, mandatum quod erat in vitam. Qualis enim vita est, non concupiscere? O vita dulcis! Dulcis est quidem voluptas concupiscentiae: verum est, nec eam homines sequerentur, nisi dulcis esset. Theatrum, spectaculum, meretrix lasciva, turpissima cantilena, dulcia sunt ista concupiscentiae; dulcia plane, suavia, delectabilia: sed, Narraverunt mihi iniusti delectationes, sed non sicut lex tua, Domine . Suavia sunt, dulcia sunt, delectabilia sunt: sed audi meliora, Narraverunt mihi iniusti delectationes, sed non sicut lex tua, Domine. Felix anima quae huiusmodi delectationibus oblectatur, ubi turpitudine nulla inquinatur, et veritatis serenitate purgatur. Quem autem delectat lex Dei, et sic delectat, ut omnes delectationes lasciviae vincat, non sibi arroget istam delectationem: Dominus dabit suavitatem . Quam dicam? Domine, da mihi illam suavitatem, vel illam? Suavis es, Domine, et in tua suavitate doce me iustitias tuas . In tua suavitate doce me, et doces me. Tunc disco ut faciam, si in tua suavitate doceas me. Caeterum quamdiu blanditur iniquitas et dulcis est iniquitas, amara est veritas. In tua suavitate doce me: ut suavis sit veritas, dulcedine tua contemnatur iniquitas. Multo melior est et suavior veritas, sed sanis suavis est panis. Quid melius et praeclarius pane coelesti? Sed si non obstupefacit dentes iniquitas. Scriptura enim dicit: Sicut uva acerba dentibus noxia est, et fumus oculis; sic iniquitas utentibus ea . Quid prodest quia panem laudatis, si male vivitis? Quod laudatis non manducatis. Cum ergo audis verbum, cum audis verbum iustitiae et veritatis, et laudas; multo laudabilius est, si facias. Fac ergo quod laudas. An dicturus es: Volo, sed non valeo? Quare non vales? Quia sanitas non est. Unde sanitatem perdidisti, nisi quia peccando Creatorem offendisti? Ergo ut eius panem, quem laudas, cum suavitate, id est, cum sanitate manduces, dic illi: Ego dixi, Domine, miserere mei; sana animam meam, quoniam peccavi tibi . Ergo, inquit, inventum est mihi mandatum quod erat in vitam, hoc esse in mortem. Erat enim sibi antea ignotus peccator, factus est manifestus praevaricator. Ecce inventum est illi in mortem, quod erat in vitam.